მსოფლიოში პირველმა ბანკომატმა, რომელიც საშუალებას გაძლევთ, შეიძინოთ ოქროს მონეტები საკრედიტო ან სადებეტო პლასტიკური ბარათებიდან, ინდოეთის ქალაქ ჰაიდერაბადში მომხმარებლების მომსახურება დაიწყო. ამის შესახებ ლომპანია „Goldsikka“ Twitter-ზე წერს.

ინფორმაციაში აღნიშნულია, რომ ავტომატიდან შესაძლებელია 0,5-დან 100 გრამამდე წონის მონეტების მიღება. კომპანიამ განმარტა, რომ ბანკომატის თავისებურება ის არის, რომ მის ეკრანზე ოქროს ფასი რეალურ დროში განახლდება ლონდონის საფონდო ბირჟაზე ამ ძვირფასი ლითონის კვოტების ცვლილების შესაბამისად.

„ჩვენ ვგეგმავთ შემდეგი ოთხი ავტომატის დამონტაჟებას ჰაიდერაბადში, მათ შორის აეროპორტშიც. შემდეგ ჩვენ დავფარავთ მთელ ქვეყანას და შემდეგ მთელ მსოფლიოს" - განაცხადა კომპანიის ვიცე-პრეზიდენტმა ჰრიტიკა მიტრამ.