სააგენტო Reuters-ის ინფორმაციით, ინდოეთის სამხრეთ სანაპიროზე ძლიერი წვიმით და ქარით გამოწვეულ ციკლონურ შტორმს ექვსი ადამიანი ემსხვერპლა. ჩენაის პოლიციის განცხადებით, ასევე ორი ადამიანი დაიღუპა შენობის ნანგრევებში მოყოლისა და ელექტროშოკის მიღების შედეგად. დატბორილია ქალაქ ჩენაის საცხოვრებელი ადგილები. წყალდიდობამ გატაცა მანქანები და მოგლიჯა ხეები.

,,ტამილ ნადუსა და ანდრა პრადეშის შტატებში მცხოვრები ათასობით ადამიანი ევაკუირებულია. აღნიშნულ შტატებში მეტეოროლოგებმა წითელი დონის განგაში გამოაცხადეს. დაიხურა სკოლები, კოლეჯები და ბანკები, ქარხნები, iPhone-ის წარმოების ობიექტები.

შტატის ზღვისპირა რაიონებიდან 7000-მდე ადამიანის ევაკუაცია განხორციელდა, ასევე მოსალოდნელია დამატებით 21000-ის ევაკუაცია,“ - წერს Reuters-ი.