ინდოეთის საგარეო საქმეთა სამინისტროში ინდოეთში უკრაინის ელჩი დაიბარეს. ინფორმაციას ამის შესახებ ინდური გაზეთი The Economic Times ავრცელებს.

მათი ცნობით, უკრაინის ელჩის დაბარება პრეზიდენტ ვოლოდიმირ ზელენსკის მიერ ინდოეთის პრემიერ-მინისტრის ნარენდრა მოდის მოსკოვში ვიზიტის კრიტიკას მოჰყვა.

ასევე, ინდოეთმა მიიღო გადაწყვეტილება, გადადოს უკრაინასთან არსებული კულტურის სფეროში ერთობლივი ჯგუფის სხდომის ჩატარება.

მოდი მოსკოვში 8 ივლისს ჩავიდა და რუსეთის პრეზიდენტ ვლადიმერ პუტინს შეხვდა. მოგვიანებით ეს ვიზიტი ზელენსკიმ შეაფასა და განაცხადა, რომ მოდის ეს ნაბიჯი დიდი იმედგაცრუება და სამშვიდობო ძალისხმევისთვის დიდი დარტყმაა.