რეჟისორი დარენ არონოფსკი და სტუდია A24 ილონ მასკის შესახებ ბიოგრაფიულ ფილმზე მუშაობენ. ამის შესახებ Variety წერს.

გამოცემის ინფორმაციით, ფილმს საფუძვლად ჟურნალისტ უოლტერ აიზექსონის მიერ დაწერილი ბიოგრაფია დაედება. წიგნი SpaceX-ისა და Teslaს დამფუძნებელზე და სოციალური ქსელის X მფლობელზე 11 სექტემბერს გამოვიდა.

2015 წელს, აიზექსონის მიერ დაწერილი სტივ ჯობსის ბიოგრაფიის მიხედვით, კინოსტუდიამ Universal გადაიღო ფილმი, რომელშიც Apple-ის თანადამფუძნებლისა და გენერალური დირექტორის როლი მაიკლ ფასბენდერმა შეასრულა.