ჰუსიტები აცხადებენ, რომ უკან არ დაიხევენ სასტიკი აგრესიის შემდეგ. ინფორმაციას ამის შესახებ ბრიტანული ტელეარხი Sky News-ი ავრცელებს.

აშშ-მა და დიდმა ბრიტანეთმა საჰაერო დარტყმები განახორციელეს იემენში ჰუსიტების სამიზნეებზე. იემენის დედაქალაქ სანაში აფეთქებების ხმა ისმის.

აშშ-ის ოფიციალურმა პირმა საინფორმაციო სააგენტო Reuters-ს განუცხადა, რომ ჰუსიტების სამიზნეების წინააღმდეგ დარტყმები განხორციელდა თვითმფრინავიდან, ხომალდიდან და წყალქვეშა ნავიდან.

"სასტიკი აგრესია ჩვენი ქვეყნის წინააღმდეგ, რისთვისაც ისინი [თავდამსხმელები] გადაიხდიან საფასურს და ჩვენ არ დავიხევთ უკან, რაც არ უნდა დაგვიჯდეს", - განაცხადეს დაჯგუფებაში.