როგორც ,,ჰამასის” მაღალჩინოსანმა სამი აბუ ზუჰრიმ განაცხადა, დაჯგუფება ნებისმიერი წინადადების განხილვაში ჩაერთვება, რომელიც ომს დაასრულებს და, „ამასთან, შეერთებულმა შტატებმა ისრაელს ცეცხლის მუდმივი შეწყვეტისკენ უნდა მოუწოდოს“.  

„აშშ-ის ადმინისტრაციას ოკუპაციაზე ზეწოლისკენ მოვუწოდებთ, რათა შეწყდეს ღაზას სექტორში მიმდინარე ომი. „ჰამასი“ მზადაა, დადებითად მიიღოს ნებისმიერი ინიციატივა, რომელიც  ომის დასრულებას უზრუნველყოფს “, - განუცხადა აბუ ზუჰრიმ Reuters-ს.

როგორც ცნობილია, აშშ-ის სახელმწიფო მდივანი ენტონი ბლინკენი ახლო აღმოსავლეთში ოფიციალურ პირებთან ღაზას სექტორში ცეცხლის შეწყვეტის შეთანხმებას განიხილავს. 10 ივნისს, ბლინკენი ჯერ კაიროში, შემდეგ კი - იერუსალიმში გაემგზავრება ისრაელის პრემიერ-მინისტრ ნეთანიაჰუსთან სასაუბროდ.