ინდოეთის პრემიერ-მინისტრი ნარენდრა მოდი ირაკლი კობახიძეს საქართველოს პრემიერ-მინისტრად დანიშვნას ულოცავს.

„გულითადად გილოცავთ საქართველოს პრემიერ-მინისტრად დანიშვნას. ინდოეთსა და საქართველოს ტრადიციულად თბილი და მეგობრული ურთიერთობები აკავშირებს. ბოლო დროს ჩვენი ორმხრივი ურთიერთობები სტაბილურად ძლიერდება და დივერსიფიცირდება თანამშრომლობის სხვადასხვა სფეროში. დარწმუნებული ვარ, რომ თქვენი ლიდერობით ჩვენი თანამშრომლობა კიდევ უფრო გაძლიერდება. მოუთმენლად ველი თქვენთან მუშაობას ჩვენი ორმხრივი ურთიერთობების ახალ სიმაღლეზე ასაყვანად. გისურვებთ ჯანმრთელობას, მეგობარ ქართველ ხალხს კი - კეთილდღეობას“, - აღნიშნულია ინდოეთის პრემიერის მილოცვაში.