“დუშეთის მუნიციპალიტეტში, გუდამაყრის ხეობაში, ჯომარდობისას მდინარემ ორი ადამიანი გაიტაცა. შემთხვევის შედეგად ერთი ადამიანი დაიღუპა, ერთს კი, მაშველები ამ დრომდე ეძებენ”, ამის შესახებ “სფეისნიუსს” გუდამაყრის ადმინისტრაციულ ერთულში მერის წარმომადგენელმა, მალხაზ წიკლაურმა განუცხადა. 

მისივე ინფორმაციით, მდინარემ დღეს 35 წლამდე ასაკის, 2 ახალგაზრდა ტურისტი გაიტაცა. ერთი ტურისტის ცხედარი მაშველებმა უკვე ამოასვენეს.

უბედური შემთხვევა რამდენიმე საათის წინ მოხდა.

ადგილზე მობილიზებულია  სამაშველო სამსახურის ჯგუფები. სამძებრო სამუშაოები ხეობაში ამ წუთებშიც გრძელდება.

ბოლო დღეებში მთაში გადაუღებელი წვიმის შედეგად მდინარეები ადიდებულია.