გუდამაყრის ხეობაში მაშველებმა დაკარგული მეორე ტურისტის ცხედარი დღეს იპოვეს.

აღნიშნულის შესახებ ინფორმაცია “სფეისნიუსს” ადგილობრივებმა დაუდასტურეს.

არსებული ინფორმაციით, ის ლიეტუვის მოქალაქეა. 

გუდამაყრის ადმინისტრაციულ ერთულში მერის წარმომადგენელი, მალხაზ წიკლაური “სფეისნიუსთან” ამბობს, რომ  გუშინ მდინარემ 35 წლამდე ასაკის, 2 ახალგაზრდა უცხოელი ტურისტი გაიტაცა. ერთი ტურისტის ცხედარი მაშველებმა გუშინვე ამოიყვანეს.

ცნობისთვის, მეორე ტურისტის სამძებრო-სამაშველო ღონისძიებები წუხელ, ადიდებული მდინარისა და დაბალი ხილვადობის გამო შეჩერდა და დღეს დილიდან განახლდა.

ადგილზე მობილიზებული იყო სამაშველო სამსახურის ჯგუფები. მომხდარზე დაწყებულია გამოძიება.