“დროას” ინიციატივით, თბილისში, გმირთა მოედანზე უკრაინისადმი სოლიდარობის აქცია მიმდინარეობს.

აქციაზე წარმოდგენილია იმ ქართველი მეომრების ფოტოები, რომლებიც რუსეთ-უკრაინის ომს შეეწირნენ.

აქციის მონაწილეებმა სიმბოლურად სანთლები დაანთეს.

“პირველ რიგში, ამ ახალ წელს ვიხსენებთ უკრაინაში დაღუპულ გმირებს და დღეს, 9 საათზე გმირთა მოედანზე მოვედით. ვისურვებდი, ამ ახალ წელს გვაერთიანებდეს ადამიანის სიცოცხლის, ღირსების და თავისუფლების ფასეულობები, რაც სწორედ 2023 წელს ბოროტების იმპერიას დაანგრევს და მოგვცემს საშუალებას ენერგია ქვეყნის არა ნგრევაზე, არამედ გაუმჯობესებაზე მივმართოთ”, განაცხადა “დროას” ლიდერმა.