პოლიტოლოგმა, სამხრეთ ნორვეგიის უნივერსიტეტის პროფესორმა გლენ დისენმა ამერიკის სახელმწიფო დეპარტამენტის ყოფილი თანამშრომელ მაიკ ბენცთან ინტერვიუში საქართველოზე ისაუბრა.

დისენი და ბენცი არასამთავრობო ორგანიზაციებზე და მათ დაფინანსებაზე საუბრობდნენ, როდესაც ნორვეგიელმა პოლიტოლოგმა საქართველოში ვიზიტი გაიხსენა.

„ცოტა ხნის წინ საქართველოში ვიყავი. იქ პრემიერ-მინისტრმაც თქვა, რომ „ენჯეოები“ ხელისუფლების შეცვლას ცდილობდნენ, მორიგი ფერადი რევოლუციის მოწყობას, რათა საქართველო რუსების წინააღმდეგ მეორე ფრონტად გამოეყენებინათ“, - განაცხადა დისენმა.