გიორგი ტყემალაძის განმარტებით, აღნიშნული ინფორმაცია სიმართლეს არ შეესაბამება და მიზნად მოსახლეობის შეცდომაში შეყვანას ისახავს. 

„სრული პასუხისმგებლობით მინდა განვაცხადო, რომ არანაირი ახალი შენობის აშენება თბილისის მერიის ადმინისტრაციისთვის არ იგეგმება. თბილისის მერიის დაკვეთით, ამ ეტაპზე, მიმდინარეობს შენობის პროექტირება, რომელიც ბერი გაბრიელ სალოსის გამზირზე აშენდება, სადაც სასერვერო ინფრასტრუქტურა მოეწყობა და მერიაში შემავალი რამდენიმე მუნიციპალური სამსახური განთავსდება. შესაბამისად, ოპოზიციის მიერ გავრცელებული ინფორმაცია, თითქოს თბილისის მერია ადმინისტრაციული შენობის მშენებლობას იწყებს, არის ტყუილი და მიზნად მოსახლეობის შეცდომაში შეყვანას ისახავს“- განაცხადა თბილისის საკრებულოს თავმჯდომარემ.