საპარლამენტო უმრავლესობის წევრი, გიორგი ჩაკვეტაძე ეუთო-ს მოქმედი თავმჯდომარის, ელინა ვალტონენის რუსთაველის გამზირზე აქციის მონაწილეებთან მისვლას რადიკალიზმის წახალისებად აფასებს.

ჩაკვეტაძის თქმით, მიუკერძოებლობის შემთხვევაში, ვალტონენი დაშავებულ პოლიციელებს მოინახულებდა და ძალადობრივ აქციებს დაგმობდა.

„ეუთო-ს მოქმედი თავმჯდომარე ელინა ვალტონენი მიუკერძოებელი თუ იქნებოდა, ის რევანშისტების მიერ დაშავებულ პოლიციელებს მოინახულებდა და ძალადობრივ საპროტესტო აქციებს დაგმობდა. წინააღმდეგ შემთხვევაში, მისი გამოჩენა თბილისში, რუსთაველის გამზირზე შეიძლება, რადიკალიზმის წახალისებად იქნას აღქმული“, – წერს ჩაკვეტაძე X-ზე.