ღაზაში მყოფი მძევლების ოჯახის წევრებმა თელ ავივში აქცია გამართეს. ისინი შეთანხმების სასწრაფოდ გაფორმებას ითხოვდნენ, რაც მძევლების გათავისუფლებას უნდა ითვალისწინებდეს.

მომიტინგეები მსვლელობისას სკანდირებდნენ და სთხოვდნენ ისრაელის პრემიერ-მინისტრ ბენიამინ ნეთანიაჰუს, შეერთებული შტატების კონგრესში დღეს დაგეგმილ მის სიტყვით გამოსვლაში მძევლების გათავისუფლების შესახებ შეთანხმების შესახებ განაცხადოს.

ბენიამინ ნეთანიაჰუს შეერთებულ შტატებში ვიზიტის პარალელურად, ისრაელში რამდენიმე საპროტესტო აქციაა დაგეგმილი. კონგრესში სიტყვით გამოსვლის შემდეგ, ნეთანიაჰუ აშშ-ის პრეზიდენტ ჯო ბაიდენს შეხვდება.