„ღაზას სექტორის სამხრეთ ნაწილში მდებარე ქალაქ რაფაჰში თავშესაფრის მსურველ ოჯახებზე თავდასხმების შესახებ გავრცელებული ცნობები შემზარავია.
მასობრივ მსხვერპლს შორის არიან ბავშვები და ქალები. ღაზა არის ჯოჯოხეთი დედამიწაზე, რასაც კიდევ ერთხელ ადასტურებს გუშინდელი ღამის ამსახველი სურათები", - განაცხადა გაეროს პალესტინელ ლტოლვილთა სააგენტომ (UNRWA). 
პალესტინის ჯანდაცვისა და სამოქალაქო სასწრაფო დახმარების სამსახურის წარმომადგენლებმა განაცხადეს, რომ, 26 მაისს, ღაზას სექტორის სამხრეთ ქალაქ რაფაჰზე ისრაელის საჰაერო თავდასხმების შედეგად, 35 პალესტინელი დაიღუპა და ათობით დაშავდა.
ისრაელის თავდაცვის ძალების განცხადებით, საჰაერო ძალებმა რაფაჰში მდებარე „ჰამასის“ შენობას დაარტყეს.