აშშ-ის არჩეული პრეზიდენტი დონალდ ტრამპი და გერმანიის კანცლერი ოლაფ შოლცი შეთანხმდნენ, რომ უკრაინაში სამართლიანი და მდგრადი მშვიდობა შეძლებისდაგვარად სწრაფად უნდა დამყარდეს.

დონალდ ტრამპს და ოლაფ შოლცს შორის სატელეფონო საუბარი გაიმართა.

გერმანიის მთავრობის მიერ გავრცელებული ინფორმაციის თანახმად, თანამოსაუბრეები შეთანხმდნენ, რომ რუსეთის ომი უკრაინის წინააღმდეგ ძალიან დიდი ხანია, გრძელდება და მნიშვნელოვანია მისი დასრულება. კანცლერმა დაადასტურა, რომ გააგრძელებს უკრაინის მხარდაჭერას რუსული აგრესიისგან დაცვაში, ვიდრე საჭირო იქნება.

განცხადებაში აღნიშნულია, რომ ლიდერების საუბარი ევროპაში უსაფრთხოების პოლიტიკის გამოწვევებს მიეძღვნა.