გერმანიის მთავრობას საკუთარი, ოფიციალური პოზიცია გააჩნია, ვიოლა ფონ კრამონი კი საკუთარი შეხედულებების შესახებ საუბრობს, ასე რომ როგორც ელჩს არც შემიძლია ვიოლა ფონ კრამონის განცხადებაზე კომენტარი გავაკეთო, - ამის შესახებ გერმანიის ელჩმა საქართველოში პეტერ ფიშერმა განაცხადა.

„ის ევროპარლამენტის დამოუკიდებელი წევრია, მას საკუთარი მანდატი აქვს და მის პირად მოსაზრებასთან დაკავშირებით კომენტარს ვერ გავაკეთებ. რაც შეეხება გერმანიის პოზიციას, ის დეკემბერში გახდება ცნობილი“, - აცხადებს ელჩი.

ევროპარლამენტარი ვიოლა ფონ კრამონი მიიჩნევს, რომ თუ ევროკავშირი საქართველოს კანდიდატის სტატუსს მიანიჭებს, ეს მოხდება იმიტომ, რომ ამას ქართველი ხალხი იმსახურებს და გეოპოლიტიკური ლოგიკა მოითხოვს.