შვედი ეკოაქტივისტი გრეტა ტუნბერგი ფრანგი ახალგაზრდების საპროტესტო აქციას შეუერთდა. პარიზის ჩრდილოეთ გარეუბანში გამართულ დემონსტრაციაზე ტუნბერგმა განაცხადა, რომ ფრანგი სტუდენტები მსოფლიოს აჩვენებენ, როგორ გამოხატონ პროტესტი ძალადობრივი სისტემის წინააღმდეგ.
მისივე თქმით, მსოფლიოში მილიონობით ადამიანი მდიდარი უმცირესობის ეკონომიკური სარგებლის გამო იტანჯება.
„მე აქ ვარ, რადგან ეს სწორედ ის ადგილია, სადაც პროტესტი დაიწყო. ისინი თითქმის სამი კვირაა გრძელდება, სტუდენტები იკავებენ სკოლას და მასწავლებლები სოლიდარობის ნიშნად იფიცებიან მათთან ერთად, რაც წარმოუდგენლად ლამაზი სოლიდარობაა. და კიდევ ერთხელ, ფრანგი სტუდენტები ახლა მსოფლიოს აჩვენებენ, თუ როგორ უნდა ავდგეთ და როგორ უნდა ავჯანყდეთ უკიდურესად ძალადობრივი სისტემის წინააღმდეგ და ისინი მაგალითით გვიძღვებიან. ჩვენ ვიცით, რომ ერთი და იგივე მტერი გვყავს, ეს უკიდურესად დამანგრეველი, მავნე სისტემაა, რომელიც მთელ პლანეტას და მსოფლიო მოსახლეობის დიდ უმრავლესობას სწირავს იღბლიანი უმცირესობის ხარჯზე, რათა რამდენიმე ადამიანისთვის მოკლევადიანი ეკონომიკური მოგება მიიღოს და გეოპოლიტიკური ძალაუფლება შეინარჩუნოს“, – განაცხადა ტუნბერგმა.
ცნობისთვის, დღეს საფრანგეთში მასშტაბური საპროტესტო აქციებია დაანონსებული. საფრანგეთში მასწავლებლების დეფიციტისა და სკოლების შენობებში არასათანადო მდგომარეობის გამო გამართული საპროტესტო აქციები გასულ თვეში პარიზში დაიწყო და ქვეყნის მასშტაბით გავრცელდა.
0
0
