გერმანიაში დააკავეს კაცი, რომელიც საშობაო დღესასწაულების დროს ტერაქტის მოწყობას გეგმავდა. ინფორმაციას Deutche Welle ავრცელებს.

დაკავებული წარმოშობით ირანიდანაა. ის 20 წლისაა. ტერაქტის ორგანიზებაში ეჭვმიტანილის დაკავება ქვედა საქსონიაში მოხდა.

„გერმანიაში არსებობენ ისლამისტები, რომლებიც თავდასხმებით იმუქრებიან. სადღესასწაულო დღეებში ტერაქტის ორგანიზებაში ეჭვმიტანილები ადრეც დააკავეს“, განაცხადა ქვედა საქსონიის შს მინისტრმა დანიელა ბერენსმა.

გერმანიის საკონსტიტუციო წესრიგის დაცვის ფედერალურმა უწყებამ გაავრცელა გაფრთხილება, რომ რადიკალური ისლამისტური დაჯგუფებების მხრიდან თავდასხმების საფრთხე გაზრდილია.