უცნობი პირი, სავარაუდოდ, დანით თავს დაესხა გერმანელ კონსერვატორ პოლიტიკოსს და ისლამის კრიტიკოსს, მიხაელ შტურცენბერგერს. თავდამსხმელის შესაჩერებლად პოლიციამ ცეცხლსასროლი იარაღი გამოიყენა. ამის შესახებ გამოცემა Bild იტყობინება.

ინციდენტი პარასკევს დილით, ადგილობრივი დროით, დაახლოებით, 11:30  საათზე, Pax Europa-ს მოძრაობის საჯარო ღონისძიების დროს მანჰეიმის ბაზრის მოედანზე მოხდა.

მამაკაცმა სტურცენბერგერი დაჭრა, ღონისძიების სხვა მონაწილეებმა თავდამსხმელის შეჩერება სცადეს, მაგრამ მან გაქცევა შეძლო.

ვიდეოში, რომელიც სოციალურ ქსელებში ვრცელდება და შესაძლოა არ ასახავდეს ინციდენტის მთლიან სურათს, ჩანს, რომ მამაკაცი მივარდა აქციის მონაწილეს და ორივე მიწაზე დაეცა. ერთს ბარძაყზე შესამჩნევი ჭრილობა აქვს. პოლიციელმა, სავარაუდოდ, ერთ-ერთი მათგანი გაიყვანა, რომელიც თავს იცავდა, რამაც თავდამსხმელს საშუალება მისცა განთავისუფლებულიყო და სამართალდამცავებს ზურგში დაარტყა. თითქმის მაშინვე სხვა პოლიციელმა ესროლა თავდამსხმელს.

შემთხვევის შედეგად ყველა დაშავებულის მდგომარეობა ჯერჯერობით დადგენილი არ არის. Bild-ის ცნობით, თავდამსხმელი "მოკლულია", მაგრამ სხვა მედია იუწყება, რომ ის მხოლოდ დაჭრილია.

შტურცენბერგერი გერმანიაში ისლამოფობი პოლიტიკოსად ითვლება. გარკვეული პერიოდის განმავლობაში მუშაობდა მიუნხენში კონსერვატიული ქრისტიან-სოციალური კავშირის პარტიის წარმომადგენელად, შემდეგ კი იყო ახლა უკვე დაშლილი მცირე პარტია „სვობოდას“ თავმჯდომარე.