გერმანიაში, 123 მილიონი დოლარის ღირებულების ძვირფასეულობის მოპარვისთვის 5 მამაკაცი გაასამართლეს. ინფორმაციას უცხოური მედია ავრცელებს.

ძარცვაში ბრალდებული 5 მამაკაცს სასამართლომ 6 წლით თავისუფლების აღკვეთა მიუსაჯა, მეექვსე დაკავებული კი უდანაშაულოდ ცნო.

დაჯგუფება დრეზდენში მდებარე ისტორიულ "მწვანე საცავში" 2019 წლის 25 ნოემბერს შეიჭრა.

საცავში, ძვირფასი სამკაულებისა და ნივთების კოლექცია ინახებოდა, მათ შორის ბროლის და აქატისგან დამზადებული მოჩუქურთმებული ფიგურები და სირაქლემას მოოქრული კვერცხებისგან შექმნილი თასები.