გერმანიის მოქალაქეების უმრავლესობა, უკრაინაში რუსეთის სრულმასშტაბიანი შეჭრის დაწყებიდან თითქმის ერთი წლისა და სამი თვის შემდეგ, მხარს უჭერს რუსეთ-უკრაინის სამშვიდობო მოლაპარაკებებს.

ასეთი მონაცემები აჩვენა სააგენტო DPA-ს დაკვეთით სოციოლოგიური ფირმა YouGov-ის გამოკითხვამ, იუწყება უკრაინული მედია.

გამოკითხულთა 55% მხარს უჭერს, ომის დასრულების მიზნით, კიევსა და მოსკოვს შორის მოლაპარაკებებს, ხოლო 28% მოლაპარაკების წინააღმდეგია.

გერმანელების უმრავლესობა ასევე მხარს არ უჭერს უკრაინის ნატო-ში გაწევრიანებას - 54% წინააღმდეგი და მხოლოდ 27% მომხრე.

აღსანიშნავია, რომ თებერვლის გამოკითხვის მიხედვით, გერმანიის მოქალაქეების უმრავლესობამ მხარი არ დაუჭირა უკრაინასა და რუსეთს შორის სამშვიდობო მოლაპარაკებებს „ნებისმიერ ფასად“ გამართვას.