რუსეთის პრეზიდენტის სპიკერმა დიმიტრი პესკოვმა განაცხადა, რომ პუტინის ადმინისტრაცია იურისტებთან კონსულტაციის შემდეგ მივიდა დასკვნამდე, რომ მობილიზაციის დასრულების შესახებ ბრძანება საჭირო არ არის.

„პრეზიდენტმა თქვა, რომ კონსულტაციას გაივლიდა იურისტებთან და ადვოკატებთან. გაცნობებთ, რომ განკარგულების გაცემა არ არის საჭირო. პრეზიდენტის ადმინისტრაციაში სახელმწიფო იურიდიული დეპარტამენტის დასკვნა გვაქვს ამ საკითხზე. შესაბამისად, წერტილი დასმულია. ნაწილობრივი მობილიზაცია დასრულდა“, - აღნიშნა კრემლის პრესსპიკერმა.

პესკოვის თქმით, პუტინის ბრძანება 21 სექტემბრის ნაწილობრივი მობილიზაციის დაწყების შესახებ შესრულდა - 300 000 ადამიანი გამოიძახეს.