BBC-ს ინფორმაციით, გაიანის ცენტრალურ ქალაქ მაჰდიაში გაჩენილი ხანძრის შედეგად, სულ მცირე, 20 ბავშვი დაიღუპა. 
ხანძარი, 22 მაისს შუაღამისას, ზოგადსაგანმანათლებლო სკოლის საერთო საცხოვრებელში გაჩნდა. საგანგებო სიტუაციების სამსახურები ხანძრის ლოკალიზებას ამ დრომდე ცდილობენ.
დაშავდა რამდენიმე ადამიანი; ზოგი კი დედაქალაქ ჯორჯთაუნში ევაკუაციისთვის ემზადება, სადაც მათთვის სპეციალური ცენტრია შექმნილი.
"ეს დიდი კატასტროფაა. ძალიან მტკივნეულია", - თქვა გაიანის პრეზიდენტმა ირფაან ალიმ.
აეროპორტში განლაგებული სამედიცინო გუნდების გარდა, ჯორჯთაუნის ორი მთავარი საავადმყოფო თითოეულ ბავშვს სამედიცინო მომსახურებით უზრუნველყოფს. 
გაიანა ვენესუელასა და სურინამს შორის, სამხრეთ ამერიკის ჩრდილოეთ სანაპიროზე მდებარეობს.