„გადაწყვეტილება სწორი იყო - არანაირი პოლიტიკური თამაში არ ღირს იმად, რომ ვიღაცა ვიღაცას დაუპირისპირდეს“ - ამის შესახებ თბილისის მერმა კახა კალაძემ კანონპროექტის გაწვევის შესახებ საუბრისას განაცხადა.

„გადაწყვეტილება, რომელიც ჩვენ მივიღეთ, იყო სწორი, არანაირი კანონპროექტი და არანაირი გადაწყვეტილება, არანაირი პოლიტიკური თამაში არ ღირს იმად, რომ ვიღაცა ვიღაცას დაუპირისპირდეს, ყველაფერს გავაკეთებთ, რომ ერთ ადამიანსაც თმა არ ჩამოუვარდეს. ჩვენთვის მნიშვნელოვანია შევინარჩუნოთ მშვიდობა, სტაბილურობა და ქვეყნის ეკონომიკური განვითარება“, - განაცხადა თბილისის მერმა კახა კალაძემ ტელეკომპანია „იმედთან“ ინტერვიუში.