უკრაინის პრეზიდენტმა ვოლოდიმირ ზელენსკიმ ფრანგულ ტელეკომპანია BFM-თან ინტერვიუში განაცხადა, რომ უკრაინელმა სამხედროებმა მოახერხეს რუსეთის არმიის წინსვლის შეჩერება ქვეყნის აღმოსავლეთით.

"ვითარება ფრონტზე ბევრად უკეთესია, ვიდრე ბოლო სამი თვის განმავლობაში", - თქვა ზელენსკიმ.

მან დასძინა, რომ უკრაინელი სამხედროები სირთულეებს განიცდიან "საარტილერიო ჭურვების ნაკლებობის, საჰაერო ბლოკადის, რუსული შორი მოქმედების იარაღისა და რუსეთის ფედერაციის დრონების მაღალი სიმკვრივის გამო".

Ukrayinska Pravda-ს ცნობით, ზელენსკიმ თქვა, რომ "რუსეთის შეტევა შეჩერებულია" და მისი არმია "კარგავს სასიცოცხლო ძალების დიდ რაოდენობას". თუმცა, მისი თქმით, სიტუაცია შეიძლება შეიცვალოს "ერთ თვეში ან კვირაში", თუ უკრაინის არმია საკმარის მხარდაჭერას არ მიიღებს.