საქართველოს პრემიერ-მინისტრმა ირაკლი კობახიძემ, მთავრობის წევრებთან ერთად, ნატოს გენერალურ მდივანს იენს სტოლტენბერგს და მის დელეგაციას ოფიციალურ ვახშამზე უმასპინძლა.

მანამდე ირაკლი კობახიძე ნატოს გენერალურ მდივანს იენს სტოლტენბერგს მთავრობის ადმინისტრაციაში შეხვდა.

მთავრობის ადმინისტრაციაში გამართულ შეხვედრაზე საუბარი შეეხო საქართველოს ევროატლანტიკურ ინტეგრაციას, ნატო-საქართველოს ურთიერთობების დღის წესრიგსა და სამომავლო თანამშრომლობის პერსპექტივებს. შემდეგ კი მხარეებმა მედიისთვის ბრიფინგი გამართეს.