სპეციალურმა საგამოძიებო სამსახურმა "ფორმულას" ჟურნალისტ სალომე ბოკუჩავას დაზარალებულის სტატუსი მიანიჭა. ინფორმაციას ტელეკომპანია ავრცელებს და წერს, რომ დღეს ბათუმის საქალაქო სასამართლო ბრალდებულის აღკვეთის ღონისძიების შესახებაც იმსჯელებს.

შეგახსენებთ, 13 ივლისს, ბათუმში, 13 წლის შვილის გაუპატიურების ბრალდებით დაკავებული კაცის დედამ ტელეკომპანია "ფორმულას" ჟურნალისტზე ფიზიკურად იძალადა.

შემთხვევა მაშინ მოხდა, როცა ჟურნალისტი სიუჟეტის მოსამზადებლად ბრალდებულის ოჯახში მივიდა. მას ქალმა რამდენჯერმე დაარტყა ხელი თავსა და სახეში, ასევე, მიაჯახა კედელს.

პროკურატურამ ქალს ბრალი ჟურნალისტისთვის პროფესიულ საქმიანობაში უკანონოდ ხელის შეშლისა და ძალადობისთვის წარუდგინა.