სომხეთი ობიექტურად ჯერ კიდევ არ არის მზად ევროკავშირის წევრი ქვეყნის სტატუსისთვის, განაცხადა სომხეთის პრემიერ-მინისტრმა ნიკოლ ფაშინიანმა საპარლამენტო არჩევნებზე ხმის მიცემის შემდეგ ჟურნალისტებთან საუბრისას.

ფაშინიანმა უპასუხა შეკითხვას, შესაძლო რეფერენდუმის შესახებ, რომელიც განსაზღვრავს სომხეთის შემდგომ მონაწილეობას ევრაზიულ ეკონომიკურ კავშირში, ან ევროკავშირში გაწევრიანების პროცესის დაწყებას.

„რეფერენდუმი ჩატარდება მაშინ, როდესაც იარსებებს რეფერენდუმის საგანი. ხოლო რეფერენდუმის საგანი უნდა იყოს, სულ მცირე, სომხეთის ოფიციალური განაცხადი ევროკავშირში გაწევრიანებაზე, ან სომხეთისთვის ევროკავშირის წევრი ქვეყნის სტატუსის მინიჭება“, — აღნიშნა პოლიტიკოსმა.

ფაშინიანის თქმით, ამ მომენტისთვის არცერთი ეს ორი პირობა არ არსებობს.