წლის დასაწყისიდან, ევროკავშირის 13-მა წევრმა ქვეყანამ, პირველად, გამოიმუშავა მეტი ენერგია ქარისა და მზისგან, ვიდრე ქვანახშირისა და გაზისგან. ამის შესახებ უცხოური მედია იუწყება.

მათივე ინფორმაციით, გერმანიამ, ბელგიამ, უნგრეთმა და ნიდერლანდებმა ამ ეტაპს პირველად მიაღწიეს. მწვანე წყაროების წილმა გადააჭარბა კონტინენტის მთლიანი ენერგეტიკული ბალანსის 50%-ს, მხოლოდ მზის და ქარის ენერგია შეადგენს 30%-ს. ექსპერტები მომხდარს იმით ხსნიან, რომ ჩრდილოეთ ევროპაში ძლიერი ქარი ჭარბობდა, სადაც ქარის ენერგიის უმეტესი ნაწილი წარმოიქმნება.