მარკ რუტე ნატო-ს ხელმძღვანელი კი არა, „მაკდონალდსის“ საუკეთესო თანამშრომელია, – ამის შესახებ სოციალურ ქსელში ევროპის საქმეებში საფრანგეთის ყოფილი მინისტრი, ევროპარლამენტარი ნატალია ლუაზო წერს.

ნატალი ლუაზო აშშ-ის პრეზიდენტის, დონალდ ტრამპის მიერ სოციალურ ქსელში გამოქვეყნებულ შეტყობინებას გამოეხმაურა, რომელიც სავარაუდოდ ნატო-ს გენერალურმა მდივანმა მისწერა.

„მარკ რუტე ნატო-ს არ ხელმძღვანელობს, ის „მაკდონალდსის“ თვის საუკეთესო თანამშრომლის ეკვივალენტია“, – წერს ლუაზო.

მანამდე ნატალი ლუაზომ მოუწოდა ევროკავშირს, მტკიცედ იმოქმედოს აშშ-ის პრეზიდენტის საპასუხოდ და დონალდ ტრამპი შეადარა „მოუსვენარ ბავშვს, რომელიც შეიძლება, აგრესორი გახდეს“. მისივე თქმით, ჩრდილოატლანტიკური ალიანსი ამჟამად „პალიატიური მოვლის ეტაპზეა“.

აშშ-ის პრეზიდენტმა, დონალდ ტრამპმა ნატო-ს გენერალური მდივნის, მარკ რუტეს მიერ მისთვის გაგზავნილი შეტყობინება სოციალურ ქსელში გაასაჯაროვა.