ევროკავშირი ყურადღებით ადევნებს თვალს მიხეილ სააკაშვილის ჯანმრთელობის გაუარესების ანგარიშებს და მოუწოდებს საქართველოს ხელისუფლებას, მიიღოს ყველა საჭირო ზომა, რათა უზრუნველყოს მისთვის საჭირო სამედიცინო დახმარება.

ამის შესახებ ევროკავშირის საგარეო სამსახურის სპიკერმა პიტერ სტანომ განაცხადა.

„ევროკავშირი ყურადღებით ადევნებს თვალს მიხეილ სააკაშვილის ჯანმრთელობის გაუარესების შესახებ უახლეს საგანგაშო ცნობებს. საქართველოს ხელისუფლება პასუხისმგებელია მის ჯანმრთელობასა და კეთილდღეობაზე და ვალდებულია, მიიღოს ყველა საჭირო ზომა, რათა უზრუნველყოს მიხეილ სააკაშვილის სათანადო სამედიცინო დახმარება" - აღნიშნა სტანომ Twitter-ის განცხადებაში.