გერმანიის პოლიციამ ევრო 2024-ის გამო ფრანკფურტის აეროპორტში უსაფრთხოების ზომები გაამკაცრა.

ქვეყნის უმსხვილეს აეროპორტში მგზავრებმა უსაფრთხოების გამკაცრებული შემოწმება უკვე გაიარეს.

„გერმანიის ფედერალური პოლიცია 7 ივნისიდან შენგენის საზღვრებზე კონტროლს ახორციელებს, მათ შორის ფრანკფურტის აეროპორტში. გვსურს, ფეხბურთის ჩემპიონატმა მშვიდობიანად ჩაიაროს, ჩვენი მიზანია, არ დავუშვათ არანაირი ძალადობა. კონტროლი, რომელსაც ჩვენ ვახორციელებთ, არის მოქნილი. მგზავრების და ფრენების შერჩევა დამოკიდებულია სიტუაციაზე და, რა თქმა უნდა, სასაზღვრო პოლიციის გამოცდილებაზე“, – განაცხადა ფრანკფურტის აეროპორტის ფედერალური პოლიციის სპიკერმა, იორგ მარტიენსენმა.