ესპანეთში, სარაგოსას მახლობლად, მოხუცთა თავშესაფარში გაჩენილ ხანძარს სულ მცირე 10 ადამიანი ემსხვერპლა, დაშავდა კიდევ რამდენიმე, მათგან ორი კრიტიკულ მდგომარეობაშია. ამის შესახებ ინფორმაციას ადგილობრივი ხელისუფლება ავრცელებს.

შემთხვევა პარასკევს დილით მოხდა. ცეცხლი მოხუცთა თავშესაფარში გაჩნდა, რომელიც ფოკუსირებული იყო დემენციისა და ფსიქიკური ჯანმრთელობის პრობლემების მქონე ადამიანების მკურნალობაზე. იქ სულ 82 ადამიანი ცხოვრობდა.

ადგილობრივი მედიის ცნობით, ხანძრის გამომწვევი მიზეზი ჯერ-ჯერობით უცნობია.