უფროსი ლეიტენანტი, 38 წლის ოთარ ღვინაშვილი საგარეჯოდან თბილისში, საკუთარ სახლში, ვაზისუბნის დასახლებაში გადაასვენეს.

ოთარ ღვინაშვილი იმ დროს დაიღუპა, როდესაც სროლისას სუპერმარკეტის თანამშრომელ ქალს გადაეფარა და სიკვდილს გადაარჩინა, თავად კი ადგილზე დაიღუპა. ღვინაშვილს ორი შვილი დარჩა.

20 იანვარს ღამით საგარეჯოში, შეიარაღებულმა პირმა, ერთ-ერთი საცხოვრებელი კორპუსის აივნიდან მოქალაქეებს ავტომატით ცეცხლი გაუხსნა. სროლას 5 პირი ემსხვერპლა - ნოდარ რჩეულიშვილი, ზაზა ჩიხლაძე, ზაქარია მათიაშვილი, დავით ნასრაძე, ოთარ ღვინაშვილი. არსებული ინფორმაციით, თავდამსხმელმა სიცოცხლე თვითმკვლელობით დაასრულა.