ჟაკ დელორი, რომელიც ევროკომისიას 1985-1995 წლებში ხელმძღვანელობდა და ევროპული შიდა ბაზრისა და ერთიანი ვალუტის ერთ-ერთ ყველაზე მნიშვნელოვან არქიტექტორად ითვლება, 98 წლისა გარდაიცვალა. ინფორმაციას ამის შესახებ გამოცემა POLITICO ავრცელებს.

ჟაკ დელორი ცნობილია 1987 წლის ერთიანი ევროპული აქტის თავმჯდომარეობით, რომელმაც ევროპა უსაზღვრო ეკონომიკური ინტეგრაციის გზაზე დააყენა და 1993 წლის მაასტრიხტის ხელშეკრულებით, რომელმაც შექმნა ევროკავშირი.

ჟაკ დელორი პარიზში 1925 წელს დაიბადა. იგი "ბანკ დე ფრანსში"1962 წლამდე მუშაობდა. ის პოლიტიკაში 1974 წელს გამოჩნდა, როგორც საფრანგეთის "სოციალისტური პარტიის" წევრი. 1981 წელს საფრანგეთის პრეზიდენტმა, ფრანსუა მიტერანმა დელორი ფინანსთა მინისტრად დანიშნა.