ნიკორწმინდელი ეპისკოპოსი ვახტანგი და ეპარქიის სასულიერო პირები სტიქიის ზონაში იმყოფებიან. ფოტოები სოციალურ ქსელში ვრცელდება.

ცნობისთვის, შოვში მსხვერპლის რიცხვი 11-მდე გაიზარდა. 

მაშველებმა ცოტა ხნის წინ კიდევ ოთხი ცხედარი იპოვეს. სამძებრო სამუშაოები გრძელდება.

ამ ეტაპზე უცნობია, მოხდა თუ არა ნაპოვნი ცხედრების იდენტიფიცირება. გუშინ, 3 აგვისტოს, დაახლოებით 16:00 საათზე გავრცელდა ინფორმაცია, რომ რაჭაში, შოვში, მეწყრული პროცესები განვითარდა.

ნიკორწმინდელი ეპისკოპოსი ვახტანგის (ლიპარტელიანი) მიმართვა:
"▪ შოვში მომხდარი ტრაგედიის შედაგად გარდაცვლილთა ოჯახებსა და ახლობლებს
▪ ნიკორწმინდის ეპარქიისა და პირადად ჩემი სახელით გამოვთქვამთ ღრმა მწუხარებას კურორტ შოვში მომხდარი ტრაგედიის გამო,  რომელმაც ამჟამინდელი მონაცემებით შვიდი ადამიანის სიცოცხლე შეიწირა. ასევე უნდა აღინიშნოს, რომ ამ დრომდე  30-მდე ადამიანის სამძებრო სამუშაოები მიმდინარეობს. სტიქიამ უდიდესი ზიანი მიაყენა როგორც ცალკეულ მოქალაქეებს, ისე სრულიად საქართველოს.
▪ მოგიწოდებთ, ერთად ვილოცოთ გარდაცვლილთა სულების საოხად და შევთხოვოთ უფალს, მოგვმადლოს მშვიდობა და წყალობა თვისი".