თურქეთის პრეზიდენტმა რეჯეფ თაიფ ერდოღანმა იმედი გამოთქვა, რომ 28 მაისის არჩევნების მეორე ტურში შეძლებს კიდევ უფრო მეტი ამომრჩევლის მიზიდვას და გამარჯვებას.

ერდოღანის თქმით, ხმების 0,5%-ის ნაკლებობა გახდა კენჭისყრის მეორე ტურის გამოცხადების საფუძველი.

„დარწმუნებული ვარ, რომ 28 მაისის კენჭისყრის შედეგების შემდეგ ჩვენ გადავაჭარბებთ 14 მაისის არჩევნების შედეგებს და ამით მივაღწევთ ისტორიულ წარმატებას,“ - განაცხადა ერდოღანმა.

მისივე თქმით, მან დაუყოვნებლივ დაიწყო მუშაობა 28 მაისის კენჭისყრის მზადებაზე.

„ჩვენ ვცდილობთ მივიღოთ ყველა ამომრჩევლის ხმა, მიუხედავად პოლიტიკური შეხედულებებისა“, - დასძინა ერდოღანმა.