ჩინეთის აღმოსავლეთით, შანდუნგის პროვინციაში, ქიმიურ ქარხანაში დღეს ძლიერი აფეთქება მოხდა, იუწყება გამოცემა „South China Morning Post“.

სახელმწიფო მაუწყებლის CCTV-ის ცნობით, დაღუპულთა რაოდენობა და აფეთქების მიზეზი ჯერ კიდევ უცნობია. სამაშველო სამუშაოები გრძელდება, ადგილზე 55 ერთეული სახანძრო-სამაშველო ტექნიკა მუშაობს.

როგორც ამბობენ, "შანდონგ იუდაოს" ქიმიურ ქარხანაში, სადაც აფეთქება მოხდა, 300-ზე მეტი ადამიანია დასაქმებული. ის აწარმოებს პესტიციდებს, ფარმაცევტულ და სხვა ქიმიკატებს და მსოფლიოში უმსხვილესი მწარმოებელია პესტიციდ ქლორპირიფოსის, რომელიც წელიწადში დაახლოებით 11 000 ტონა ნივთიერებას აწარმოებს.