ძალიან მნიშვნელოვანია, რომ ევროპის წევრმა სახელმწიფოებმა და ევროპარლამენტმა საქართველოში არადემოკრატიული რეჟიმის იზოლაცია მოახდინონ, - ამის შესახებ "საერთაშორისო გამჭვირვალობა - საქართველოს" აღმასრულებელმა დირექტორმა, ეკა გიგაურმა ევროპარლამენტის საგარეო ურთიერთობების კომიტეტის მიერ საქართველოს შესახებ ანგარიშის პროექტის მიღების შემდეგ გამართულ პრესკონფერენციაზე განაცხადა.

"ჩვენ ვფიქრობთ, რომ ძალიან მნიშვნელოვანია, რომ ევროპის წევრმა სახელმწიფოებმა და ევროპარლამენტმა საქართველოში არადემოკრატიული რეჟიმის იზოლაცია მოახდინონ. ასევე, მნიშვნელოვანია ქართველი ხალხის, დემოკრატიისთვის მებრძოლების, დამოუკიდებელი მედიისა და ქართული სამოქალაქო საზოგადოების მხარდაჭერა. ასევე, გვჯერა, რომ ძალიან მნიშვნელოვანია მიზნობრივი სანქციების დაწესება იმ პირების მიმართ, რომლებმაც საქართველოს ევროპული მომავლისგან დაშორება გადაწყვიტეს," - აღნიშნა ეკა გიგაურმა.

გარდა ამისა, ევროპარლამენტში, სადაც დღეს საქართველოს შესახებ ანგარიში დამტკიცდა, სიტყვით "სამოქალაქო საზოგადოების ფონდის" დირექტორი ქეთევან ხუციშვილი წარდგა და ევროდეპუტატებს კიდევ უფრო მეტი მხარდაჭერისკენ მოუწოდა.

"ჩვენ გვინდა, კიდევ ერთხელ ვთხოვოთ ევროპას მხარდაჭერა ჩვენ ვაფასებთ იმას, რაც უკვე გაკეთდა ევროპარლამენტსა და კომისიაში, მაგრამ ჩვენ გვინდა უფრო მეტი მხარდაჭერა ხალხისადმი და უფრო მეტი მკაცრი მოპყრობა ხელისუფლების მიმართ, ვინც ნამდვილად იმსახურებს სანქციებს," - აღნიშნა "სამოქალაქო საზოგადოების ფონდის" დირექტორმა, ქეთევან ხუციშვილმა.