დონალდ ტრამპმა სპეციალურ მისიებზე აშშ-ის წარმომადგენლის პოზიციაზე რიჩარდ გრენელი დაასახელა, რომელიც მანამდე დაზვერვის უფროსი იყო. ეს არის პოზიცია, რომელიც მართავს პოლიტიკას აშშ-ის მოწინააღმდეგე რამდენიმე ქვეყანაში, მათ შორის ჩრდილოეთ კორეაში.

„რიკი იმუშავებს მსოფლიოს ყველაზე ცხელ წერტილებში, მათ შორის ვენესუელაში და ჩრდილოეთ კორეაში“, – განაცხადა ტრამპმა საკუთარ სოციალურ პლატფორმაზე.

გრენელი ტრამპის პრეზიდენტობის დროს სხვადასხვა პოზიციებზე მსახურობდა: იყო გერმანიაში აშშ-ის ელჩი, სერბეთისა და კოსოვოს სამშვიდობო მოლაპარაკებების სპეციალური წარმომადგენელი და ეროვნული დაზვერვის დროებითი დირექტორი.