იურისტი, გიორგი მშვენიერაძე აშშ-ის პრეზიდენტზე, დონალდ ტრამპზე თავდასხმას სოციალურ ქსელში ეხმაურება, მისი თქმით ამერიკის ყოფილი პრეზიდენტის მკვლელობა ჩინეთის და რუსეთის ინტერესებშია

„დონალდ ტრამპის მკვლელობა რუსეთის ან ჩინეთის ინტერესშია. რუსეთი ამით მნიშვნელოვან შიდა არეულობას გამოიწვევდა აშშ-ში, რაც შეასუსტებდა უკრაინის სამხედრო დახმარებას, ხოლო ჩინეთი მისთვის “საძულველ” პოლიტიკოსს არჩევნებამდე მოიშორებდა.
აშშ იმით არის ძლიერი სახელმწიფო, რომ კონკურენტებს არჩევნებში ამარცხებენ და არ კლავენ, როგორც ეს რუსეთში და ჩინეთში ხდება.
“ქართული ოცნება” კი დღეს სწორედ ამ უკანასკნელების მოკავშირეა, საქართველოში რუსულ პოლიტიკას ატარებს, ხოლო ჩინეთს სტრატეგიულ პარტნიორად აცხადებს.
მხნეობა ამერიკელ ხალხს და გამარჯვება დემოკრატიას!“ - ამბობს მშვენიერაძე