დონალდ ტრამპი 37-ვე ბრალდებაში თავს უდანაშაულოდ ცნობს, – ამის შესახებ „ბიბისი“ წერს.

მედიის ცნობით, მაიამის სასამართლოში, მაგისტრატმა მოსამართლე ჯონათან გუდმანმა ტრამპს მის წინააღმდეგ წაყენებული 37 ბრალდება წარუდგინა.

მედია აღნიშნავს, რომ როგორც მოსალოდნელი იყო, აშშ-ის ყოფილმა პრეზიდენტმა, დონალდ ტრამპმა 37-ვე ბრალდებაში თავი უდანაშაულოდ ცნო.

ცოტა ხნის წინ ცნობილი გახდა, რომ აშშ-ის ყოფილი პრეზიდენტი, დონალდ ტრამპი ფორმალურად დაკავებულია. მისი დაკავების შემთხვევა ფორმალური პროცედურაა, ამიტომ ყოფილ პრეზიდენტს ბორკილები არ დაადეს და “დაკავების ფოტო” არ გადაუღეს.

სასამართლომ მოსმენის დროს ნებისმიერი ტრანსლაცია, ასევე ფოტო და ვიდეოგადაღება აკრძალა.