აშშ-ის პრეზიდენტმა, დონალდ ტრამპმა ირანის ყოფილი შაჰის ვაჟის, რეზა ფეჰლევის შესახებ ისაუბრა.

„ის საინტერესო ადამიანს ჰგავს, მაგრამ არ ვიცი, როგორ აღიქმება საკუთარ ქვეყანაში და აქვს თუ არა ხალხის მხარდაჭერა. არ ვიცი, მიიღებს თუ არა ირანი მის ლიდერობას. თუ მიიღებს – ჩემთვის კარგი იქნება“, – აღნიშნა დონალდ ტრამპმა „როიტერთან“ ინტერვიუში.

აშშ-ის პრეზიდენტმა განაცხადა, რომ შესაძლებელია, თეირანის მთავრობა პროტესტების გამო დაეცეს:

„სინამდვილეში, ნებისმიერ რეჟიმს შეუძლია დაცემა. დავინახავთ, რა მოხდება – საინტერესო პერიოდი იქნება“, – ამბობს დონალდ ტრამპი.

ცნობისთვის, რეზა ფეჰლევი ირანის ბოლო შაჰის, მუჰამედ რეზა ფეჰლევის ვაჟია. ფეჰლევი, დიდი ხანია, აშშ-ში ცხოვრობს.