აშშ-ის პრეზიდენტი დონალდ ტრამპი აცხადებს, რომ შესაძლოა, ჩინეთთან და რუსეთთან ერთად ბირთვული განიარაღების გეგმაზე მუშაობდეს.

აშშ-ის პრეზიდენტს გეგმის შესახებ კონკრეტული დეტალები არ გაუმჟღავნებია.

„ჩვენ ხელახლა შევქმენით ჩვენი ბირთვული ძალა – ჩვენ ვართ ნომერ პირველი ბირთვული ძალა, რისი აღიარებაც არ მინდა, რადგან ეს საშინელებაა. რუსეთი მეორეა. ჩინეთი მესამეა, მაგრამ ისინი ოთხ ან ხუთ წელიწადში დაგვეწევიან. შესაძლოა, ჩვენ სამივე ერთად ბირთვული განიარაღების გეგმაზე ვმუშაობდეთ. ვნახოთ, იმუშავებს თუ არა ეს“, – განაცხადა ტრამპმა.

აშშ-ის პრეზიდენტის თქმით, ამერიკას მსოფლიოში ყველაზე ძლიერი არმია ჰყავს.

„წელს ჩვენ ერთ ტრილიონ დოლარს ვდებთ შეერთებული შტატების შეიარაღებულ ძალებში. ეს ყველაზე დიდი თანხაა, რაც კი ოდესმე ჩაგვიდია“, – განაცხადა ტრამპმა.