ექსპრეზიდენტის მიხეილ სააკაშვილის ძმამ, დავით სააკაშვილმა, უკრაინულ მედიას დაუდასტურა, რომ რადას დეპუტატს, ელიზავეტა იასკოს შვილი მიხეილ სააკაშვილისგან ჰყავს.

"დიახ, ეს მიხეილის შვილია, ეს გოგოა, დაახლოებით ექვსი თვის წინ დაიბადა, მიხეილს ბავშვი არ უნახავს", - განაცხადა დავით სააკაშვილმა.

შეგახსენებთ, რომ რამდენიმე დღის წინ იასკომ, ემოციური პოსტი „ინსტაგრამზე“ გამოაქვეყნა, რომელშიც წერდა, რომ დედა გახდა. მისივე თქმით, შვილს უკრაინული ფესვები აქვს და ის მამის უკრაინული გაგრძელებაა.

ბავშვის სქესი იასკოს არ დაუკონკრეტებია და არც ის, თუ როდის დაიბადა ბავშვი.

მოგვიანებით კი მედიაში გაჩნდა ინფორმაცია, რომ იასკოსა და სააკაშვილის შვილი გოგონაა და მას ჟასმინი ჰქვია.