საქართველოს ყოფილი პრეზიდენტისთვის, მიხეილ სააკაშვილისთვის სასჯელის გადავადების, ან სასჯელისგან გათავისუფლებასთან დაკავშირებით, სასამართლო პროცესი დღეს გაიმართება.

სასამართლო პროცესი, 11:00 საათზეა ჩანიშნული. თბილისის საქალაქო სასამართლოსთან, მიხეილ სააკაშვილის სასამართლო პროცესის პარალელურად, საქართველოს მესამე პრეზიდენტის გადარჩენის მოთხოვნით აქცია გაიმართება.

თბილისის საქალაქო სასამართლოში, მოსამართლე გიორგიო არევაძე მესამე პრეზიდენტის სასჯელის გათავისუფლების, ან გაუქმების შუამდგომლობას განიხილავს. პროცესზე იგეგმება ამერიკელი ექსპერტის, დევიდ სმიტის გამოკითხვა.

საქართველოს მესამე პრეზიდენტის დედის, გიული ალასანიას განცხადებით, მიხეილ სააკაშვილი სასამართლო პროცესს დისტანციურად არ დაესწრება.