დღეისათვის ისრაელის ჯარში ათობით ქართველი ებრაელია, მათ შორის ზოგიერთი ორმაგი მოქალაქეა. დღეს ისინი საბრძოლო ხაზზე არიან გასულები ისრაელის არმიაში, ვინაიდან საერთო მობილიზაცია გამოცხადდა, - ამის შესახებ ისრაელში საქართველოს ელჩმა ლაშა ჟვანიამ განაცხადა.

„დაზარალებულების შესახებ საელჩოში ცნობა არ შემოსულა. დღეისათვის ისრაელის ჯარში ათობით ქართველი ებრაელია, მათ შორის ზოგიერთი ორმაგი მოქალაქეა. დღეს ისინი საბრძოლო ხაზზე არიან გასულები ისრაელის არმიაში, ვინაიდან საერთო მობილიზაცია გამოცხადდა. ისრაელი გეგმავს დაახლოებით 300 ათასი ჯარისკაცის მობილიზებას ამ საომარი მოქმედებებისთვის. ეს იქნება ფართომასშტაბიანი საბრძოლო ქმედებები, რომელიც ბოლო ათწლეულების პერიოდში ისრაელს არ ჰქონია“, - აღნიშნა ლაშა ჟვანიამ.