მსოფლიოში ყველაზე დიდი აისბერგი, A23a, 37 წლის განმავლობაში გაჩერების შემდეგ, აღმოსავლეთით, სამხრეთ ოკეანისკენ დაიძრა. ის ოკეანის დინებებს მიჰყვება და მისი ამჟამინდელი ტემპით, დღეში 5 კილომეტრს გადის.

„თითქმის სამი ათწლეულის შემდეგ, აისბერგი, ალბათ, იმდენად შემცირდა ზომით, რომ დაკარგა თავისი ძალა ზღვის ფსკერზე, როგორც ყინულის შელფის ბუნებრივი ზრდის ციკლის ნაწილმა და დაიწყო მოძრაობა“, - განუცხადეს CNN-ს მეცნიერებმა ბრიტანეთიდან, ელა გილბერტმა და ოლივერ მარშმა.

გილბერტმა და მარშმა დასძინეს, რომ მიუხედავად იმისა, რომ ეს კონკრეტული აისბერგი სავარაუდოდ დაიშალა, როგორც ყინულის შელფის ბუნებრივი ზრდის ციკლის ნაწილი, კლიმატის ცვლილება იწვევს ცვლილებებს ანტარქტიდის ყინულში და კონტინენტი ყოველწლიურად ყინულის უზარმაზარ რაოდენობას კარგავს.

ცნობისთვის, ანტარქტიდის აისბერგის - A23a-ს - ფართობი თითქმის 4000 კვადრატული კილომეტრია, ის ორჯერ აღემატება დიდი ბრიტანეთის დედაქალაქს. ყინულის სისქე კი დაახლოებით, 400 მეტრს შეადგენს.