“დავიჭერ მეც ხელში „შპილკებს“ და ვიტყვი, რომ ეს არის მოსასმენი აპარატურა. ასეთ სისულელეზე ვერ გავაკეთებ კომენტარს”, - ასე ეხმაურება „ქართული ოცნების“ თავმჯდომარე, ირაკლი კობახიძე ექსპრეზიდენტის ადვოკატის, შალვა ხაჭაპურიძის განცხადებას, რომ მან საკუთარ ავტომობილში სათვალთვალო მოწყობილობა აღმოაჩინა.

როგორც კობახიძე განმარტავს, შალვა ხაჭაპურიძის განცხადებას არ შეიძლება სკანდალური ეწოდოს.

“ეს არ არის სკანდალური განცხადება, ეს არის სულელური განცხადება. სულელურ განცხადებას არ შეიძლება სკანდალური განცხადება უწოდო“,- აღნიშნავს კობახიძე.

ცნობისთვის, შალვა ხაჭაპურიძემ განაცხადა, რომ საკუთარ სახლში და ავტომობილში სათვალთვალო მოწყობილობა აღმოაჩინა.